රස්තියාදුවෙ යන්න

මං ආසයි ඔයත් එක්ක රස්තියාදුවේ යන්න..කෙළවරක් නැති ඇති කොළපාට කලුපාට වීදිවල රෙබරෝසියා මැයිමාර ඇහැල ඇකේෂියා මල් උඩින් පැන පැන ඔයාගේ ඇගේ හැප්පි හැප්පි ඉර ඇහැරෙන්න කලියෙනුත් ඉර බැහැගෙන යන අඩ අදුරෙත් රස්තියාදුවෙ යන්න මට ඕන..............  මුහුදු හුළග මං ගණන් ගන්නෑ ඒ ඔයාගේ ආදරෙන් මං සැලිලා නිසා.....පින්නට බැහැ මාව තෙමන්න ඒ ඔයාගේ ආදරෙන් මං කලින්ම පෙඟිලා නිසා......මං ආසයි මගේ රිදෙන කකුල් දිහා ඔයා ආදරෙන් බලද්දි ඒක දැක්කෙ නැහැ වගේ යන්න.... මං ආසයි ඔයාගේ-තව ටික දුරයි- කියන බොරුවත් එක්ක දැන දැනම හුග දුරක් යන්න......කකුල් හිරිවැටෙනකම්.......

මගේ එක්ක යන ඔයා බලන ලස්සන කෙල්ලන්ට ඉරිසියා කර කර ඔයා දිහා බලන කෙල්ලන්නට ඔයා මගේ කියලා නිකට උස්සන් ආඩම්බර කමෙන් යන්න....හොදම රස්තියාදු කාර පාට මට නැතිවෙන්න පුලුවන්...හොදම රස්තියාදු ඇදුම් මගේ නොවෙන්න පුලුවන්...හැබැයි මගේ හොඳම රස්තියාදුකාරයා නම් ඔයා වෙන්න පුලුවන්.........

ඔයා ලස්සන දිග නියපොතුවැල් තියෙන රූස්ස නුග ගහක් යට මගේ ප්‍රේමය හොයද්දි... මේ හඳටත් කලුවරටත් හුළඟටත් ඔයාගේ ප්‍රේමය ගැන ඊරිසියා හිතෙන විදිහට ආයේ ආයෙමත් නිකට දික් කරගෙන ඉන්න.... රස්තියාදුවේ ගිහින් ඇවිත් ඇගට වැටෙන්න පොරකන වතුර බිංදු වලට කලින් ඔයා ප්‍රේමය මත්තේ පතිත වෙනතරම්....රස්තියාදුවේ යන්න..........

මං ආසයි ආයෙ ආයෙත් රස්තියාදුවේ යන්න....